NONDIK DATOR TXAKURREN ETA GIZAKIEN ARTEKO HARREMANA?

Ondorengo kuadrotxoan agertzen den ipuina sarean aurkitu dut, teatro-testuak orrialdean, Bertan txakurren eta gizakien arteko harremana azaltzen saiatzen dira. Uste dut ipuin aproposa dela haur hezkuntzan lantzeko. Gainera animaliekin izan behar ditugun harremanei buruz erreflexionatzeko aukera ematen du. Nahi izanez gero, elkarrizketak nahiko sinpleak direnez, antzezpena ere proposatu ahal diegu ikasleei.

Txakurra lagun bila
Antzina txakurra bakar-bakarrik eta asper-asper eginda bizi zen. Horregatik lagun bila hasi zen.

Ardiari galdetu zion ea bere laguna izan nahi zuen eta ardiak baietz. Baina gauean izan ziren kontuak... Txakurra zaunkaka hasi eta ardia beldurtu egin zen.

      - "Ixo! Otsoa etortzen bada jan egingo gaitu"

Halaxe bukatu zen txakurraren eta ardiaren arteko harremana, ezerezean.
Txakurra otsoarekin saiatu zen ondoren.

  - "Nire laguna izan nahi duzu?"

  - "Bai, bai. Etorri nirekin".

Gauean, berriz, txakurrak zaunka egin zuenean, otsoa haserretu egin zen.

      - "Ixo! Hartza etortzen bada jan egingo gaitu"

Kito otsoarekiko adiskidetasuna ere.
Hartzarekin saiatu zen hurrengo. Gauez, beti bezala, txakurrak ihausi.

      -"Ixo! Gizakia etortzen bada akabatu egingo gaitu", esan zuen hartzak estu eta larri.

      - "Harrigarria! – pentsatu zuen txakurrak- Kankailu hau gizakiarekin ikaratu?".

Tira, kontua da harrezkero hartza eta txakurra ez direla elkarren lagun.
Hurrengo ahalegina gizakiarekin egin zuen.
Gauez, beti bezela, txakurrak zaunka egin zuen, eta gizakia esnatu egin zen.

      - "Gose bazara, jan. Baina utzidazu lo egiten",

      - "Ez da posible! " -pentsatu zuen txakurrak- " Animalia honek ez du inoren beldurrik!", zaunka egiteari utzi eta lo lasaia egin zuen.

Ordutik aurrera txakurra eta gizakia lagun minak dira.

KONTUTAN HARTZEKO GAUZAK

| View | Upload your own

TXAKURRAK ETA ANIMALIEN ARTEKO HARREMANARI BURUZ

http://es.youtube.com/watch?v=1_7NlnzAF7E
You Tuben txakurren eta umeen arteko harremanei buruzko bideoak bilatzen nengoela, ondorengoa aurkitu dut. Bertan haur txiki bat eta txakur baten arteko harremana izan daitekenaren adibidea dugu. Aurreko sarreran esaten nuen bezala, txakurrekin elkarbizi diren umeen gurasoak askotan esperientzia polita eta aberasgarria dela esaten dute. Badakit kontrakoa esaten dutenak ere badirela, eta ezagutzen ez baditut ere, txakurrarekin arazoak izan dituztenen esperientziak entzun ditugu guztiok noizbait. Hau horrela izanda uste dut eztabaida gai polita izan daitekela eta beraz animatzen zaituztet honi buruz iritziak idazten.
Nire ustez, elkarbizitza hori, era kontziente batez eta profesionalen aholkuak jarraituz egiten bada oso esperientzi polita izan behar dela. Era honetan, bideoan agertzen diren imaginak askorentzat kritikagarriak izan daitezke umea eta txakurra elkar ukitzen daudelako eta honek gaixotasunak ekarri dezakelako, higienikoa ez delako, etab.. Hala ere nik uste dut lehen esan dudan bezala profesionalen aholkuak jarraituz (albaitariak eta baita pediatrak) ez dela inongo arazorik egon behar.

ANIMALIEKIN TERAPIAK

Informazio asko dado sarean gai honi buruz. Zooterapia aintzinako gauza bat dugu, k.a III mendean Hipokratesek zaldiaren erritmoak ekartzen zituen ondorio onuragarrietaz hitzegiten zuenetik gaur egunera gauzak asko aldatu dira baina terapia honen funtza berdina da. Extremadurako zooterapiako elkartearen orrialdean terapia mota hauek zertan oinarritzen diren oso argi azaltzen dute. Zooterapia gaixotasun fisiko zein mentalak edo gizarteratze eta portaera arazoak konpontzeko erabiltzen diren teknika multzoa da, non animaliak "laguntzaile" bezala erabiltzen diren.
Aintzinetik erabilia izan dela pentsatu ohi da. Hipokrates-en garaian zaldiaren gainean ibiltzearen onurei buruz hitzegiten zuten. Gauzak asko aldatu dira era gaur egun arazo larriak dituzten pertsonen laguntzan metodo eraginkor bezala ikusten dira terapia hauek, elkarte eta profesional ugari arlo honetan lanean ari delarik.
Terapia hauen jasotzaileak asko izan daitezke orrialde honetan adibide batzuk aipatzen dituzte. Zailtasun fisiko zein mentalak dituzten umeak, egoera traumatikoak bizi izan dituzten umeak etab.
Baina orokorrean, animaliekin elkarbizitzea umeen empatia eta erresponsabilitatea handitzen duela esaten ohi dute la sonrida nordica orrialdean.
Terapia hauei buruz aldeko eta kontrako iritziak egongo direla badakit, beste terapia askorekin gertatzen den bezala baina uste dut kontutan izateko zerbait dela. Horregatik ekarri dut gai hau nire blog-era eta norbaitentzat lagungarria izan bada nahikoa izango dut. Honen inguruan informazio gehiago blog honetako lotura interesgarriak atalean aurkituko duzue.

Haurrak eta pertsona nagusiak dira ondorio terapeutiko handienak dituztenak